Manolo García canta en aragonés

Como ya comentan os blogs purnas en aragonés, estricalla, rincón olvidado y Manolo García en Perú, en octubre d'o 2006, Manolo García, reconoixiu cantant de l'ambista latina, cantó en aragonés ta os 40 principales en Malaga a canta Mai, cantada fa tiempos por Antonio Labordeta sobre uno d'os poemas más conoixius d'Ánchel Conte, o escritor más important en aragonés estándar. No ye a primera begada que autors no aragoneses cantan en ista luenga, como destaca Choben en estricalla. Literatura, musica y luenga: tot en uno. Quí contina pensando que l'aragonés no ye de totz y ta totz?
Tos deixo con o regalet.

Buen Nadal

Dende O chemeco d'as parolas tos deseyo un muit buen Nadal a totz, que a Tronca u o Tizón de Nadal tos dé os regalos, a salut, l'amistat y a felizidat que calga; porque se charre a luenga que se charre, se sía d'a color que se sía, se creiga en o que se creiga, o se piense como se piense, totz somos iguals, totz tenemos dreito a la bida, y totz emos d'intentar estar goyosos y fer a la resta d'a chent -y mesmo a la nuestra quiesta Gaia- bibir en armonía.

Que tengatz un muit buen Nadal.

Os abanchelios en aragonés

[Actualización. Ista notizia ha estau reseñada en a pachina d'as Escuelas Pías].

Ya ye anunziada publicament a publicación d'os Santos Abanchelios en aragonés en un futuro muit muit proximo. Sin duda ye un buena notizia que l'aragonés faiga parte tamién de l'ambito relichioso, pues cal recorcar que en o renaiximiento d'atras luengas peninsulars han chugau siempre un papel muit important os poders d'iste sector sozial. Con o dito empente eclesiastico se conseguirá millorar en a normalizazión de l'aragonés y amostrar que ye una luenga ta totz y de totz. No nomás d'unos u d'atros.

L'aragonés, en a Edat Meya, fazió parte d'a bida relichiosa d'os territorios istoricos d'a luenga con una produczión escolastica y relichiosa important. Dende alabez, son pocas as ocasions que s'han puesto leyer textos en ista luenga. S'ha continau fendo serbir en zeremonias pribadas, en misas puntuals, y en as zonas aon encara ye bibo. Con istos chicotz empentons -recordemos a zaguera misa en Zaragoza de fa bels meses y o suyo exito- que l'aragonés sia adeptau como tal. Enorabuena a os promotors y a totz os que han feito posible iste feito.

Aragonés por tot

Bueno, iste ha estau un puent y semana plenos d'actibidatz ta l'aragonés: feria d'o libro de Monzón (Remenches), acto de l'Academia de l'Aragonés en Echo (la fabla chesa), publicazión d'a crida ta o concurso literario de Benás en benasqués en o Heraldo, notizias en periodicos (Remenches), publicazión d'a fantastica rebista O Espiello (Nogará), contina o seminario d'o CPR de Zaragoza sobre a luenga aragonesa -que m'ha feito prou goyo-, se ye dando a conoixer l'onso Nabar que charra en aragonés y atras 5 luengas, se contina con esperanzas que l'aragonés sía en no guaire ofizial d'o estau Baticano (!!) y, a más, cal fer publicas as chornadas sobre toponimia de l'asoziazión a Estrela, ah! y o tercer numero d'a rebista de patrimonio cultural aragonés AMBISTA muit recomendable tamién.

Por zierto, dende agora, dimpués de releyer-me as normas ortograficas encara (por desgrazia) bichents, miraré d'escribir seguindo os regles d'o 87 con más fuerza encara: paragrafos 2.3.2 [ampliazión]; 2.19.2 [cheneralizazión]; 2.17.4 [cheneralizazión]; 2.10.3 y 2.10.4 [simplificazión]; 5.5.1 [relectura]; y 5.5.2 [relectura]. Grazias por a comprensión.