O catalán d'Aragón: a suya amostranza

O 15 de deziembre l'Associació Cultural del Matarranya fará e Calaceit (ai, qué recuerdos...) una chornada sobre l'amostranza en catalán en a Francha: "Català a l'ensenyament sense la llei de llengües?" a más d'o "I Premi Franja: Llengua i territori". A chornada comenzará de maitins con José Bada, exconsellero sozialista de l'año 1983 que permitió de fer o catalán como asignatura obtatiba. F. Xavier Vila explanicará os efectos d'o estudio d'o catalán en os alumnos; y Pietro Cucalón, Mario Sasot y Margarita Celma explicarán cómo se introduzió o catalán en os contextos más difízils. De tardes, equipos de direczión y profesors d'os zentros com programa bilingüe (Miguel Servet y José Calasanz de Fraga y o Institut de Tamarit de Llitera) contarán os prozedimientos ta enchegar istos prochectos. Con tot ixo, miembros d'a Escola Valenciana y la Bressola de la zona norte del catalán en Franzia abaluarán a introduczión d'o catalán en as escuelas publicas y escuelas pribadas con gobiernos adbersos. Tot rematará con una mesa redonda.

- Aquí tenez o programa completo d'a chornada: Programa.
- Y aquí tenez o blog de Natxo Sorolla, doctor en soziolingüística por a UB y uno d'os que han treballau en ista chornada. En hi hai más informazión: Xarxes socials i llengües.

O interés que tiene ta l'aragonés ye prou: condizions legals identicas d'as dos luengas, programas d'amostranza optatiba, problemas con ninos y pais, luengas minorizadas y, más me más, nos puede serbir como una ideya a desembolicar, porque si hi hai futuro sin lei de Luengas, o futuro pasa por a unidat.

Lecturas en aragonés d'o LFA

Bueno, son buenos dias ta l'aragonés. Ista begada, güe, o Ligallo de Fablans de l'Aragonés zelebra as suyas lecturas anuals que han contau siempre con lectors de luxo: rectors d'a UZ, profesors de filolochía, asoziazions, politicos, periodistas, mosicos, escritors y chen que charra l'aragonés han amenizau una tarde a l'año a os asistens leyendo relatos u trozez de libros representatibos.

L'acto se fará a las 18:30, en a Biblioteca d'Aragón (Dr. Cerrada), de Zaragoza. Os protagonistas güe serán os representans d'a parte más importán de l'aragonés: o futuro. Bels 40 ninos y ninas d'entre 7 y 14 años que han parau o día con muitisma ilusión. A notizia la podez leyer en atros blogs como Remenches y en periodicos como o Diario de l'Alto Aragón. Ya nos contarez qué tal!

Comunicau de la SLA

La Sociedat Lingüística Aragonesa va celebrar una asambleya el pasau dia 17 sabado en Fonz. Pel que sabem, van emitir un comunicau de prensa aon se detallan 5 puntos muit interensants que conto que son el resultau d'una reflexion interna de la dita asociacion. Estos s'han publicau resumius junto con el resumen de l'homenage que ayer va tenir llugar en la Diputacion General d'Aragon als 5 academicos d'honor de l'Academia de l'Aragonés i que va ser un exito.

Quanto als puntos que trata la SLA, en comparto personalment 4 i estoi prou disconforme -como ye de dar- con el 5eno. Me faría goi de destacar que, si ben la SLA quiere marcar una distancia que llega -i me pena dir-lo- al autismo con la resta d'asociacions i personas que treballan per l'aragonés i tamé per l'ar. ribagorzano; las suyas reflexions son las mesmas que fa i per las mesmas que lluita la resta del mundo.

Només quiero dir dende aquí que si los 4 puntos que promueven son ixos de verdat, no entiendo qué fan encara renegando de la resta de la comunidat cientifica de l'aragonés. Exactament ixo ye lo que quieren la resta de dialectos i de ribagorzanos que no en fan parte, i tamén la resta de personas que treballan por ista lluenga. Me pena tanto que per personalismos no se reconoixca la unidat que sí demuestran las parolas...

1. Sin transmisión generacional una lengua no pervive. La escolarización en la lengua autóctona -fundamental en primaria, necesaria en secundaria-, debe constituir una prioridad en aquellas zonas donde es hablado algún dialecto aragonés.
2. Si no se fomenta su uso social y su empleo mediático, relegamos a la lengua autóctona a una esfera marginal de la comunicación, e impedimos su pleno desarrollo social.
3. Para ello es necesario un proceso de codificación, gráfica, morfosintáctica y léxica que cohesione las hablas vivas, restaurando aquellos elementos perdidos por el contacto con el castellano. Un proceso conducente a un modelo referencial de lengua comarcal, que, socialmente afianzada, sí sería susceptible de conformar una lengua común.
4. Sin un estatus legal territorial (zonas de uso actual o reciente) y personal en que la lengua autóctona sea oficial junto al castellano, aquella estará siempre en situación de subordinación.
5. El habla benasquesa, debería poseer una planificación lingüística específica, puesto que difiere considerablemente tanto de los dialectos de filiación aragonesa como de los de filiación catalana.

Academia de l'Aragonés: omenache a miembros d'onor

Iste sabado a las 12h30 en o salón d'actos d'o Gobierno d'Aragón, l'Academia de l'Aragonés, entidat normatiba con un año de treballo dezaga, fará l'acto d'omenache a os academicos d'onor que en fan parte. Nieus Luzía Dueso, Juan José Guillén, Brian Mott, Artur Quintana y Rosario Ustáriz serán os zinco omenacheaus. A más de personalidaz d'importanzia como o Viceconsejero de Educación, Cultura y Deporte d'o Gobierno d'Aragón, Juan José Vázquez, i acudirá prou chen, pues l'acto ye publico, entre os que cal destacar os alumnos d'a escuela d'aragonés Nogará y representazión d'a telebisión en aragonés por Internet, Charrandotb.com, que cubrirá a zeremonia.

Con anterioridat al omenache, l'Academia fará una sesión plenaria con a presenzia de toz os sozios numerarios.

Ta saber una mica más d'os academicos d'onor:
- Brian Mott (CV) ye doctor en Filolochia Romanica Hispanica d'a Universidat de Barcelona. Ha estudiau cuasi toz os dialectos de l'aragonés y publicau buen numero de treballos. Cal destacar-ne a suya tesis doctoral sobre l'aragonés chistabín y o suyo diczionario etimolochico.
- Artur Quintana ye doctor en Filolochia Romanica y miembro de l'Institut d'Estudis Catalans. Buen conoixedor d'o catalán d'Aragón, en l'aragonés ye estudioso de l'aragonés zentral con o suyo estudio sobre a bal de Bió.
- Juan José Guillén ye doctor en Filolochía por a Unibersidat de Zaragoza y espezialista en toponimia d'a bal de Tena (aragonés zentral), obcheto d'a suya tesis doctoral.
Como academicas d'onor, nos trobamos con dos d'as millors y más conoixidas escritoras en aragonés dialectal:
- Nieus Luzía Dueso, naixida de Plan (Chistau), estió mayestra y ye una d'as autoras más importans por a suya obra y repercusión en l'aragonés. A'l canto'l Zinqueta y Leyendas de'l Alto Aragón son as suyas obras más reconoixidas.
- Rosario Ustáriz, naixida d'Echo, ye tamién una d'as autoras más prolificas y conoixidas de l'aragonés occidental. Como N. Luzía, ha ganau buen numero de premios y partizipau en estudios lingüisticos como informán. Finalmén, ha publicau fa poco a obra poetica Miquetas de l'alma.

Venezuela y l'aragonés

Fendo-nos eco d'a repercusión que han teniu istos días os feitos que s'han desembolicau en a Cumbre Iberoamericana, queremos resaltar una cosa que s'ha quedau amagada, cuasi callada a la resta d'o mundo: a Republica Bolivarina de Venezuela no nomás no se quiere callar, sino que presentó una propuesta ta protecher as luengas indichenas y en periglo d'extinzión d'o mundo. Y ye que d'as más de 5000 luengas que existe, 3000 se troban en prozeso d'extinzión y 650 fan parte d'America Latina y son feitas serbir os por pueblos indichenas.
A firma ofizial internazional s'abría d'aber feito -seguntes o embaixador Jorge Valero- en o transcruso d'a cumbre, pues ista propuesta se fazió en os suyos perparatibos. Por agora no se sabe en qué abrá quedau, asinas que continaremos buscando más info. Tos deixo a notizia que, amás d'impotán (que en ye), yera curiosa por o suyo contexto.

Propuesta de proteczión de luengas indichenas y en periglo.

Plataforma d'Esfensa d'a luenga Aragonesa

Fa poco que ha amaneixiu un nuebo (encara que biello) sistema d'ayuda a l'aragonés: a Plataforma d'Esfensa d'a luenga Aragonesa. Ista organizazión que en fa parte chen de muitas asoziazions y colectibos diferens mira de promozionar, reibindicar y esfender l'aragonés como un ente plural que arrocle todas as personas que tiengan iste cometiu.
Dende l'apolitizidat, farán aczions dreitas, campañas y demandas sobre temas como a Lei de Luengas, l'oblido de l'aragonés por as instituzions aragonesas, u a normalizazión de l'aragonés en os meyos publicos de comunicazión y en a soziedat en cheneral.

Sin duda, ye una buena notizia a creyazión d'ista meta asoziazión, más que más cuan, y sin estar o mesmo, dende Chuntos por l'aragonés no plegan guaires notizias de mobimiento. Cal que a unidat contine, encara que sía con atro nombre.

Ta saber-ne más: os blogs Estricalla y Remenches, asinas como a pachina web d'a dita plataforma (PEA).