Bueno, iste ha estau un puent y semana plenos d'actibidatz ta l'aragonés: feria d'o libro de Monzón (Remenches), acto de l'Academia de l'Aragonés en Echo (la fabla chesa), publicazión d'a crida ta o concurso literario de Benás en benasqués en o Heraldo, notizias en periodicos (Remenches), publicazión d'a fantastica rebista O Espiello (Nogará), contina o seminario d'o CPR de Zaragoza sobre a luenga aragonesa -que m'ha feito prou goyo-, se ye dando a conoixer l'onso Nabar que charra en aragonés y atras 5 luengas, se contina con esperanzas que l'aragonés sía en no guaire ofizial d'o estau Baticano (!!) y, a más, cal fer publicas as chornadas sobre toponimia de l'asoziazión a Estrela, ah! y o tercer numero d'a rebista de patrimonio cultural aragonés AMBISTA muit recomendable tamién.Por zierto, dende agora, dimpués de releyer-me as normas ortograficas encara (por desgrazia) bichents, miraré d'escribir seguindo os regles d'o 87 con más fuerza encara: paragrafos 2.3.2 [ampliazión]; 2.19.2 [cheneralizazión]; 2.17.4 [cheneralizazión]; 2.10.3 y 2.10.4 [simplificazión]; 5.5.1 [relectura]; y 5.5.2 [relectura]. Grazias por a comprensión.
3 comentarios:
Ostiaa! Amb aquesta entrada teva he descobert l'ós Nabar.
És impressionant! A part de ser molt bona idea pels nens petits, també és un material magnífic pels interessats en l'aragonès, l'occità o el català mateix.
Si tingués un fill, li compraria! hehehehe (tot i ser caret...)
bueno... pareix que a cosa no ba de tot mal, a beyer si istos proyeutos de futuro salen entabán, tenemos aragonés ofizial. O treballo que se ye fendo ye sobrebueno, cuento que de continar asinas cambiará a situazión de l'aragonés ta millor, y lo diz uno que en zagueras ye muito pesimista con tot, ;-)
En fin, ya nos informarás más.
Que baiga bueno!
Roger, l'onso ye una marabella. Te recomiendo os contetz que sallen en a pachina web porque como material linguistico son mui buenos. En aragonés en tiens una representazión de cuasi totz os dialectos.
Choben, o pesimismo en l'aragonés ye gratuito, o que nos cal siempre ye reyalismo con una miqueta d'optimismo. Animo, que tú tamién has d'estar optimista y animau.
Post a Comment