[Actualizazión: Tenez un mui buen bideo de tot o pasau aquel maitín en CharrandoTb.com No tos lo perdaz!]
[Actualizazión II: En tenez más fotos y un atro comentario en iste blog.]
O día 10 de febrero l'Asoziazión Cultural Nogará-Religada ha feito en a Plaza d'España de Zaragoza una aczión cultural, con o títol "Socalze por l'aragonés" (tentempié por el aragonés). Tot iba bien, l'asoziazión teneba os persinos y nomás de 20 personas yeran arredol d'una mesa informatiba aon i eba cosas de minchar, apegallos y panfletos.
Atras personas tocaban a gaita y a dulzaina, y tamién atras iban por a chen que pasaba por a plaza d'España repartindo folletos, chugando con os ninos, y dando lamins.
O problema estió que seis miembros d'a policía nacional (con un auto y una furgoneta) aparcón en a fuen d'o zentro d'a plaza, estión un rato sin fer cosa, y dimpués s'amanón os 6 a o grupo de chen que i yera.
No en comentaré más d'ixe tema, pues Choben en Estricalla cuento que lo fa perfecto. Nomás quiero dezir dende aquí que no ye buena imachen que una mesa d'informazión en aragonés sía abasallada por 6 polizías nazionals a la 1 d'o meyodía, en publico, pedindo a toz os DNI y copiando-los. Ni tampoco ye bueno que se faiga isto tenendo nomás a finalidat cultural que tiene l'asoziazión Nogará, que teneba ixa mesa, y tenendo permiso de l'ayuntamiento.
Las reaczións, normals: la chen una begada bisto que a ixos de "l'aragonés" los identificaba ixe batallón d'a polizía, que no se'n iban, que as gaitas dixaban de tocar, y tot ixe teyatro que se fa, deixa d'interesar-se por éls y sabe Dios o que pensará.
Ye una pena que chen que treballa por l'aragonés sufra ista demostrazión polizial que, si bien legal, ye prou "denigrante". Esperemos que no torne a pasar, por fabor...
8 comentarios:
Charrabís, a yo no m'estraña lo que cuentas. Ya fa muito tiempo que ban pasando cosetas asinas. Bibimos uns tiempos de maccarthismo puro y duro, antimás que iste democrazia sólo ye en o papel, no en a reyalidá. O poder está aterrau porque sape que ya no controla ni politicamén ni moral a periferia, tan sólo, y d'una traza precaria, polizialmén y militar.
Y os paganos son toz aquels que no autúen como superespañols de pro, ixos están toz en os punto de mira, en os informes... U siga, una paradictadura.
O que cuentas, en una democrazia autentica, normal, sería un feito aberrán, demenzial.
Y, si por exemplo, s'estricallase a la fin o Estatuto Catalán por o Constituzional, o periglo d'inzidens d'una grabedá estrema ye una posibilidá reyal. Sisquiera no pase cosa, ixe ye o mío deseyo. Pero isto no ye ni Suezia ni Chequia. Isto ye a eterna España fosca y negra.
Y que conste que yo no soi ni nazionalista aragonés ni antiespañolista, sólo una persona que s'estima a suya cultura y lengua autoctonas. Y que creye, además, que o terrorismo ye inútil e inumano, inchustificable de raso, y que ETA ni ha aconseguiu cosa ni aconseguirá cosa con a suya biolenzia, solamén dolor y más dolor inútil.
Pero cal dizir as cosas como son. Parixe que nos quieren atar a muitos con cadenas, a ziudadanos pazificos que cometen o pecau de pensar diferén y defender a suya cultura autoctona. Sapen que no pueden combenzer, por ixo as cadenas...
En fin, que bibimos en un nuebo tiempo orweliano. O pasau torna...
Esprisions, Charrabís.
En Aragón Colonial comento la historia. Lamentable.
En www.charrandotb.com tenez un reportache sobre l'acto.
Grazias a os tres, a berdat que tot tremendo. Menuda imachen tendremos ta ixa chen que pasó por a plaza España y nos beyó con 6 polizías identificando-nos a toz.
No lo entiendo...
Tamién mos pasa a los altoaragoneses que mos bienen los polizías llingüisticos de zgz a emporcar-mos la lluenga. ¿qué é ixo de aczión, permiso, persona, perfecto, ayundamiento, reaczión...? ¿ixo é zaragozano?
Ya im amolaus, ya.
Pues tiens mucha razón con el "ayundamiento", pues eba un error de cuan estaba escribín la notizia, que como la ba escribir y no la ba tornar a repasar, pues asinas me ba.
Con la resta de palabras que dizes, ben sabras, tú que estás ablán en baixoribagorzano (yo aora en ribagorzano de Campo), que allá el que se fa ye "persona, acción, reacción y perfecto", pues ixes grupos se mantienen.
Tamé mos faría gozo que mos contases a toz perqué has de dir que nusotros tos estam "emporcán" la lluenga. No sé, ye una cosa que no entiendo... Yo escribo en el mío blog con un aragonés estándar que considero "no marcau" dialectalmente pa que toz el podam leyer entenden-lo sin brenca problema. Si quiers que el faiga como aora estoi fen con tú, només has de pensar que no yes l'unico que abla aragonés dialectal.
Un saludo, no te'n faigas, perque no te pedirem la identificazión dende Zaragoza :)
Grazias per leyer-me, espero que el contines fen y comentán los palabros que escribo.
No sé si asombrarme más por la acción policial o por el anónimo defensor de los modos lingüísticos altoaragoneses...
Parece ser -y me refiero al primer caso- que se ha pasado de pitorrearse de la lengua madre con aquel repugnante "hablan mal", a considerar que su uso conlleva casi, casi, cierto tufillo terroristil.
Celebro, Charrabís, que mantengas viva la bitácora.
Saludos.
á bier, si belún/a ha dau mala imachen con o feito que rezentaz, ye la polizía.
Ix=s no en tien bergüenya, ya lo sapemos. Pero me pienso que, la chen que feba gambadeta en ixe inte por "Plaza basuera", a poco presona que siga, parará cuenta que lo que ye fendo la polizía ye, cuán menos, una enrestida inchustificable contra chen que no ha feito garra "cosa mala".
Y atra cosa (d'o primer comentario á la dizienda), por qué muitas begadas cuán se charra de bel tema cultura de pueblos chusmesos (como l'aragonés) u de identidaz nazionals no españolas dentro d'as mugas d'iste estau se ha de mentar á ETA y dizir que se ye en contra?
Ixa relazión d'ideyas ye inchusta y creyada por la dreita. No cal dar esplanicanzas de cosa, tan anti-ETa yes tú o yo como uno d'o PP u o Psoe. A esferenzia (á lo menos en o mío caso) ye que paro cuenta que l'estau espanyol tamién mata en as comisarías, en os cuarteles, en os controls d'inmigrazión y en as garcholas.
Antimás, a mayor parti d'os partius politicos que esisten en l'estau espanyol no custionan o sistema capitalista, que ye lo responsable d'as miles de presonas que mueren de fambre diya tras diya.
O capitalismo, as presonas que lo refirman, son complizes de millons de muertxs por fambre y guerras, d'un terrorismo bestial. Terrorismo á lo costau d'o cual os asesins d'ETA no son más que una chisla en un mar.
Á bier si paramos cuenta d'una begada que la polizía ye ta serbir á que contine l'estau d'as cosas. E ixe estau que cada cual lo chuzgue como quiera.
Post a Comment